Kaupapa: Welfare

Kotahi rau rima tekau te hunga kāinga kore o Tāmaki ka hākari

Mānia Clarke
  • Tāmaki Makaurau

Tekau mā rua ngā kaipakihi toa o Tāmaki Makaurau, e tao kai ana mā te kotahi rau rima tekau tāngata kāore ō rātou kāinga. He kaupapa nā te Mihana o Tamaki hei kohi putea, hei whakamataara hoki i te marea ki te hunga kei te mate i te hiakai.

E rima tekau ngā manuwhiri nō te marae o Papakura, e rima tekau nō Te Uepu Noho Taone o Manukau me ngā manuwhiri e rima tekau mai i Te Mīhana o Tāmaki Makaurau.

E whakarite ana te kaimīhana o te pokapū o Tāmaki Makaurau i te tēpu mō te hunga e mate kai ana ia wiki.

E ai ki a Chris Farrelly, he nui tonu ngā āhuatanga o te kaupapa kai nei, ko te whakawhanaunga me te whakanui i te tangata te mahi.

He hākari e toru ngōna wāhanga nā ngā tohunga tunu kai tokotoru o te motu, arā nā Nadia Lim, Michael Van de Elzen rātou Nici Wickes i whakarite.

Ia tau ia tau, tekau mā toru manō ngā kete kai ka takohaina ki ngā whānau me ngā tāngata hei whāngai i te wha tekau mā tahi mano

Koni atu i te whā tekau ngā wāhi huri i Tāmaki Makaurau ka whiwhi i ngā kōpaki kai nei te kii a Farrelly, ā, kei te pīki tonu taua whika.

Tōna kotahi ira rima mīrona tara te utu mā te rōpū kāwanatanga kore hei hoko i ngā kai, ā kāore he paku hēneti ka taka mai i te pūkoro o te kāwana. Kua whakatūngia e ngā pakihi tumuwhakarae i ā rātou ake whārangi kohi pūtea i te paetuktuku o Mission City Cook Off hei tautoko i Te Mīhana.

Nō reira, kotahi rau tekau mā waru mano tāra neke atu kua takoha i tēnei wā. Engari, e wātea tonuj ana te marea ki te tuku koha i te paetukutuku o City Mission Cook Off tae noa ki te mutunga o te marama.

Ka mutu, kua taurimatia ngā mananui e te kapa haka o Ngāti Whātua Ōrākei.