Koroneihana - Tīmata mai ngā mahi ngāhau

Heeni Brown
  • Waikato/Te Waiariki

E whakapaetia ana, ko tōna rua tekau mā rima mano tāngata i tōia atu ki te Koroneihana Tuangahuru o Kiingi Tuheitia i te rā nei. A, i pārekareka ai te katoa ki ngā mahi hākinakina, i ngā mākete me ngā mahi a Tāne Rore, a Hinerēhia.

Ko Te Waka Huia ki te papa tū waewae, ko te manomano tāngata ki te whenua. Kohungahunga mai, Kaumātua mai - koni atu i te toru tekau ngā rōpū whakangāhau te tangata. 

"Kei te kite au i te whakauta o te kaupapa, kua whakautauta mai matou e te aroha e te rangimarie era momo kupu ka pupuri ki te ngakau kei te kitea kei te rongohia kei te pupuri e matou. He ataahua katoa."

A, ko Te Whare Wānanga o Waikato hoki e tautoko ana.

"Tuatahi ko to matou whare wananga kei roto kei te riu o Waikato a na reira te tikanga ae me tu ki te koroneihana ki te tautoko i to matou Kiingi a Kiingi Tuheitia a me te mea hoki kei konei tana tamahine a Ngawai he mema hoki ia no to matou ropu nei a na reira e kawea ana i tana mana hoki, ki mua ki te aroaro o te motu ano i te aroaro o toona papa," says Tiahuia Ropitini no Te Waiora.

A, ko ngā ringarehe o Waikato-Tainui te tiaki i a rātou.   

Te iti Kahurangi kaiako Kingi Kiriona, “Ahau nei he kaimahi ki te kura tini o Waikato, he kaiako i tetahi kapahaka engari i tenei ra he ringaringa waewae mo tenei kaupapa heoi ano ko ahau tetahi o te manomano no reira me mihi ki te hunga kua roa e penei ana ki tenei hui.”

Hei āpōpo ko Te Rā o Kīngi Tuheitia, ki reira puta te kauhau a Te Kīngi Māori.