Kaupapa: Arts

Koopu exhibits "Hei Ō Mō Apanui"

Ruth Smith
  • Te Tai Rāwhiti

E 26 ngā mahinga toi e whakaora anō mai ana i ngā kōrero o Te Whānau-a-Apanui.

Hai tā Koopu, "ko te tino tūāpapa o ngā mahi katoa, he waituhi i ngā titonga o Rikirangi Gage, nō reira ko te nuinga o ngā waiatahia ki te papatūwaewae o Te Matatini, kua rāngona ēnei waiata ki ngā tōpito whānui o te motu."

Kua kitea whānuitia ngā mahinga toi a Koopu ki te motu, otirā ki te ao hoki.  Engari, e mōhio ana a Koopu kai hea te taumata i ēnei mahi.

"He maha kē ngā mahi e taea ai ngā kaitoi te tutuki kai taumata kē atu.  Ko te mahi i runga i ngā marae.  Ko te mahi tahi ki ngā tamariki, ki ngā mokopuna.  Ko ērā āhuatanga katoa kai taumata kē atu i te whakaatu i roto i ēnei wāhi," e ai ki a ia.

E mōhiotia whānuitia ana a Koopu hai wahine taumata rau. He kaitoi Māori, he pūkenga ki te wānanga o Toihoukura, he kaiako, kaiarataki hoki mō te kapa haka o Tauira Mai Tawhiti nō te rohe o Mataatua.

Nō te Maehe o te tau kua hipa, tae atu ai a Koopu ki te Mākete Māori ka tū ki Pōneke.  Ko a ia hoki tētahi o te tira i tae ki te whakakanohi i a Aotearoa i te Pacific Arts Festival i tū ki Guam, i te tau 2016.

Ka whakatuwhera ōkawatia te whakakitenga nei ki te Whare Taonga o Te Tairāwhiti hai te Pōmere.