Kaupapa: Housing

Kōkōhinau Marae to launch five new homes

Mere McLean
  • Waikato/Te Waiariki

Kua huri tētahi Marae nō Te Moana a Toi hei whakatū wāhi noho mo rātou i raru ki roto i ngā waipuke o Te Patutātahi. E rima ngā whare kua whakatūhia e te marae o Kōkōhinau, Te Teko, āko ake nei ka whakatūwhera ki ngā whānau kua noho kore kainga nei.

Hei te marama e tū mai nei, ka uru mai te whanau tuatahi ki tenei whare hou. Hei tā Hemana Eruera o Te Pahipoto hapū no Ngāti Awa “kua rangatira tēnei mahi, kua timata te whakatū papakainga mai te whakaaro nui o te kawanatanga, heoi anō, kia mōhio rā koutou kua whakaaro atu te tari o tēnei whenua, a, kāti koinei pea te timatatanga o te tū mana motuhake o tēnei o a tātau hapū, o tēnei o a tātau Marae.

Ka noho te mana whakahāere o enei whare ki raro i Papakainga o Kōkōhinau. Ka riihi ki nga whanāu nui. “Ēnei whare hoki, e rua noa iho ngā rūma nē, kei te mohio hoki koe te nuinga o a tātau whānau, kua tata pea kē te rima, te ono, te waru atu o ngā tamariki, kei reira kua raru te aukatitanga mai e rua ngā rūma o ēnei whare.

I runga hoki i te ture a te pākeha, kia tūpato, tērā ture tūpatopato kia whakaiti tonu mai, kia whā, kāua e neke atu i te whā e uru mai ki roto i tēnei whare.”

Ko te whakaaro matua o tēnei kaupapa kia whakatū whare ki roto i te takiwa. “I ara ake tēnei kaupapa i runga i te whakaaro aroha mo tēnei hapu o Te Pahipoto, i roto i a Ngāti Awa, mo ērā o ngā whānau i pākinotia i te waipuke, i te timatanga o te tau kua mahue ake nei, Aperera, ka waipuke rā, ka pakaru rā te wāhi i Patutātahi.” Hei te marama o Paengawhāwhā, he karakia hei whakanoa i ēnei whare.