Ngā kaupapa: Elections, Treaty Settlements, Tūhoronuku

Ko Tūhoronuku te matū o tētahi hui ohorere kua karangahia mō te Rōpū Whakamana i te Tiriti o Waitangi

Dean Nathan
  • Te Tai Tokerau

He whakawā i te whakamanatanga o te rōpū Tūhoronuku e te Karauna hei whakatatū i ngā kerēme tiriti o Ngāpuhi. 

Koinei te karanga a tētahi hui ohorere mō te Rōpū Whakamana i te Tiriti o Waitangi. 

I te rā nei ko ngā whakahē a ngā tini hapū kaikerēme o Ngāpuhi whānui i whakatakototia.

I te ra nei  hoki i whakaritea te rōpū o Tūhoronuku ki te kāroti a te Karauna.

Kahore mātou e ahei ana ki te whakapaoho i ngā reo o tēnei hui, engari ko te tikanga kia riro mā ngā rōia o ia hapū e hora i ngā whakahē ki te kaupapa.

Kei a Kaiwhakawā Sarah Reeves me tana ope te whakahau pēnā e whai take ngā tāpaetanga ki tēnei hui e tika ai te noho ohorere a te rōpū whakamana i te tiriti o Waitangi ki te whakarongo ki te whānuitanga o ā rātou na kōrero.

Hei āpōpō rongo ai te taha ki te karauna me te rōpū Tūhoronuku.