Ko te whakatūpato a Coast Guard Tāmaki Makaurau kia āta tiaki i o tātou whānau

Renee Kahukura Iosefa
  • Tāmaki Makaurau

Ko te whakatūpato a Coast Guard Tāmaki Makaurau kei a koe anō te tikanga ki te whakahaumaru i a koe me tō whānau i tēnei wā o te raumati.

Ahakoa kei runga pōti e hāerere ana koe, mēnā rānei e kauhoe ana koe i te takutai moana, ngā awa, hopua kaukau rānei kia mataara i ngā wā katoa.

He ratonga āwhina a Coast Guard e arataki nei i te hunga i te au moana. 

Kei te kōkiri hoki te ohu nei i tētahi kaupapa āki i te hunga kia tuku mai ō rātou kahu kautere, ā, ka heke iho te utu ki te hoko kautere hōu.

E ai ki a Georgie Smith, “Ko te tahuringa o te iwi ki tō rātou haumarutanga me te mau kahu kautere te painga.  Ko te "Whakamau kahu kautere" te āki, kei pōhēhē he whakahōhātanga noa.”

Ko Imogen Mataafi tētahi o te tekau mā tahi, he tekau mā whitu marama noa te pakeke, i toremi i roto i te hōpua kaukau i tōna whare i te rā Kirihimete.

Ā, nō ngā rā tata nei ko Christopher Wichman, i toremi i te awa o Pātea whai muri i tāna whakapaunga kaha ki te āwhina i tōna irāmutu. 

I tērā wiki tokorua ngā tāngata i mate whai muri i te takahuritanga o tō rāua waka i te puaha o Manukau.

Nā ēnei momo aituā, kei te āki a Coast Guard i te iwi kia mataara, kia whakahaumaru i te whānau i ngā wā katoa.