Ko te whakataetae Smokefree Rockquest ka tu ki Tāmaki.

Tema Hemi
  • Tāmaki Makaurau

Ko ngā kōwhiringa toa o te whakataetae ā-motu o Rockquest ka au ake i te Kāreti o Kahurangi i Tāmaki Makaurau i te pō nei, ā, e takatū ana ki te taumata whakataetae i te wāhanga Tangata Beats ko The Remnants nō Te Kura Tuarua o Whanganui.  

E mātakitaki ana i te hoariri i mua mai i te ekenga ki te kauhanga o te riri.

Ko tā tētahi o nga kaiwaiata kaiwhakatangi rakuraku hoki ā Wiremu Rogan, "Mō mātou katoa e hīkaka ana mātou katoa ā kei te āmaimai hoki, e āmaimai ana i a mātou e whakatata ana ki te wa ka tu mātou i te atāmira."

I ohorere katoa rātou i te whakapuaretanga i te whakataetae ā rohe ki Whanganui.

Ko tā Rogan anō, "ki ahau nei he mea whakaaweawe i a mātou, he tuatahitanga tēnei mā mātou ā pēne nei te tu ki tētahi whakataetae pēnei te rahi. Kihai mātou i paku whakāro ake ka tae mātou ki tēnei taumata, i ohorere katoa mātou i te whakapuaretanga o tō mātou ingoa i toa ki ngā whakataetae."

Ko tētahi ō ā rātou waiata i tapaina ko 'Hononga Tangata' he tino waiata mā te manu tīoriori mā Wiremu.

Ko tāna anō, "Ko te waiata tuatahi he waiata tangi e whakamānawa i tōku koroua i mate i tērā tau, ko te waiata tuarua ā he waiata rekereke, he waiata tere hei pikinga ngākau."

Ko ngā toa i ngā tau ō mua arā ko Opshop, Kora, Bic Runga, Black Seeds rātou ko Alien Weaponry i te tau rua mano tekau mā ono. Ka timata te whakataetae hei te whitu karaka i tēnei pō ki Kahurangi ki Maunga Whau.