Ko te whakapiki i te ora o ngā whānau te whai o Te Whare Marama

Heeni Brown
  • Tāmaki Makaurau

Ko Te Whare Mārama o Māngere, he āhuru mōwai mā ngā whānau kua pākia e te tūkino.

Ā, he aronga hōu tō te kai-whakahaere, tō Christina Te-ikamata, ki te mahi māra kai hei whakārāra ake i ngā kai-noho ki te whai i tētahi oranga pai ake mō rātou.

E ai ki a Christina Teikamata, te Kaihautu o Te Whare Marama o Mangere, “he kaupapa tēnei hei whakamana i te tū motuhake o ngā wāhine kia mohio ai rātou me pēhea te whakatō māra kai, me pēhea te tunu hoki, he kaupapa pai tēnei mo ngā wāhine kua puta mai i ngā ahuatanga tūkino whānau."

I tēnei wa e ono katoa ngā whānau e noho ana ki te Te Whare Marama, na, he rima tekau ōrau o rātou he Māori.

Ko tā Christina, “Ko te nuinga o ā mātou whānau kua puta i ngā āhuatanga rawa kore, ā kāre i te tika a ratou kai mo te tinana, ko te whai o tā mātou tira kia whakapiki i te ora o ngā whānau nei."

Kua tata ki te kotahi tau tēnei mahinga e whakahaerehia ana,

Ki konei akohia ngā kainoho ki te whakatō kakano, ki te whakatupu kai, me te tunu i ngā hua hei kai mō o rātou whānau.

Mō ngā whānau ka noho i konei, e tumanakohia ana ka tau ko ēnei matauranga ki roto i a rātou mō ake tonu atu.