Ko te whai a Te Tirohanga ko te whakatō i te whakaaro pai ki ngā mauhere

Aroha Treacher
  • Te Tai Rāwhiti

Ko te whakarewatanga o te hōtaka Te Tirohanga ki te whare herehere o Whanganui, te pou whakamutunga o te mahi whakatōpu i ngā wāhanga kaupapa Māori e rima o te motu.

E ai ki ngā tatauranga, he iti iho ngā hara tukurua o ngā mauhere Māori kua whakaoti i tētahi hōtaka kaupapa māori ki ro whare herehere, i ērā o te hunga mauhere kāore anō kia pērā. Otira, ko te whai a Te Ara Poutama kia pai ake ano aua tatauranga.

Kei ētahi whare herehere e rima te hotaka e kīa nei ko Te Tirohanga, he tekau ma waru ngā marama te roa, ko te whāinga matua kia rite ai ngā mauhere maori kia hoki pai atu ai ki te hapori.

I roto i aua marama tekau mā waru, e ono ngā wāhanga ka whāia e te mauhere hei whakawhanake i a ia anō.

He nui ake te hunga mauhere ki ro whare herehere i Aotearoa nei i era puta noa i te ao, a, he rima tekau ōrau he Māori, nō reira, i waihangatia tēnei hōtaka e te Māori, mō te Māori, me te tumanako ka whai kaha rātou kia u ai ki te tika me te pono.