Ngā kaupapa: Kapa Haka, Te Kei - Day 3, Te Matatini

Ko te whai a ngā kapa o Te Kei ko te whakapoapoa i ngā kaiwhakawā

Heeni Brown
  • Te Waipounamu

Ko Te Kei o te waka-whakataetae i te rā nei, ā, he koni i toru tekau mā rima ngā kapa kua kitea e ngā kaimātakitaki. Nā whai anō te whai a ngā kapa ki te whakapoapoa i ngā kaiwhakawā.

Rangi tuatoru, tā Te Kei he puta mai i muri, ki mua. Ko Te Whānau-a- Apanui te whakamahi pūoro, te whakamahi kupu.

Ko tā Tamati Waaka. "Ka rongo i a Timoti i a rātou ma e korero ana, ka kapohia tēra whakaaro koira hoki tētahi mahi e whaia ana e matou kia rerekē ai ki ētahi ngā kaitātaki katoa he tangata mau rakau, engari kāre pea e taea e ratou te whakakata i te minenga no reira e kimi ana i tetahi huarahi kāre i kitea."

Ā, ko Ruatāhuna Kākahu Mauku te kukume i ngā kaiwhakawā me ōnā tikanga o te wā-kainga. 

E ai ki a  Reremoana Taputu,"Ko te tauira mō tērā o tō tātou tū, ko te kaitangata, me kī te hiakai nō tētahi o ngā kuia o te hau-kainga, ko Kurawha ko ia tētahi o ngā kuia i haere ki te taha o ngā tāne ki te pakanga, tū tonu ia me tōnā taiaha, me ēra momo mahi"

Kei Te Iti Kahurangi te mau toki. Ko tā Ngā Taonga Mai Tawhiti, ko ngā reo rōreka.

A, nā Tūtū Kā'ika te poi manu i whakaara ki te pae.

E ai ki a Clive Tongaawhikau o Tūtū Kā’ika,"Kua mau nei i a tātou te poi, te poi raupō hei takitaki I ngā korero kia kore e waretia e hunga."

E rere haere ana te wā, ā, ahakoa ngā whakawai ā tēnā, ā tēnā inaianei ake tātou ka kite ko wai rā i rarata ki ngā kaiwhakawā.