Ko te whai a Kohupātiki ko te whakaora i to rātou awa- Pūrongo Motuhake

Aroha Treacher
  • Te Tai Rāwhiti

Koinei te awa o Waipūreku, ko tōna ingoa o mua ko Ngaruroro, i te tau ono tekau mā iwa, i rawekehia te awa nei ki huarahi kē, hei momo ārai i ngā wā o te waipuke ki tēnei rohe, heoi, nā taua mahi i tū ai te rere o te awa, nākona, ka kore rawa te awa e whakamā i aia anō, a, ko te hua, kua mate te wai.

Nā reira, i peka atu au ki te poti i te taha o Tom McGuire me tōna rōpū Operation Pātiki. I ngā tau e ono kua horī, kua mahia e rātou te mahi.

Kei te hāere rātou ki te hiki ake i ngā kupenga ika i whakaritea e rātou inapō nei, kia kite ai mēnā i hopukina e rātou ngā taimana pango o te awa, ara ngā pātiki mangu.

Engari, i ēnei rā, kua nui ake ngā ngaki e hopungia ana, he toru noa iho ngā pātiki i kitea, he mea puku kōwhai, e rua ngā pātiki mangu.

Kei te awa o Tutaekuri, horekau ngā rākau kei ngā parenga o te awa, nāreira kua neke ngā wāhi noho a ngā ika, i te korekore o tētahi wāhi kauruku hei noho mā ngā ika, engari, he raru anō e hura ake ana.

Ahakoa te pōturi, kei te pākaha rātou kia whakaara ake anō i ngā tikanga Māori o mua, kia kaua ai rātou e piri ki ngā toa hokohoko kai hei whāngai i a rātou.

Hei tā Bevan Taylor, “He ahua ngawari inaianei ko te mea nui ke ki te whakatikatika te awa ahakoa te riri o te ngakau, mahia nga mea pai me whakatikatka te awa kaua e mea atu tetahi me ratou ke te raru.”

Nā reira, ki te ora mai anō ngā kura kāmehameha o Pāpātuānuku, kua whakatō tipu rātou. E hia mano ngā rākau Māori ki ngā parenga awa, kia haumaru i te wai, kia hoki mao anō ngā ika.

Kua matapakihia, he aha ngā rongoa kia tere anō ai te awa, he take, kāore i hua ake i te raweketanga o te awa i te tau ono tekau mā iwa. Ki tā te kaunihera a rohe o Te Matau a Māui,

Ki a Tom mā, me te hau kainga o Kohupātiki, ka upoko pakaru te whiu, aha koa te aha, ahakoa te roa, kia whakakīngia ai te awa e ngā pātiki.