Kaupapa: Fashion

Ko te wawata a tētahi kotiro Maori he whai tūranga ki te wiki whakakite pūeru o Aotearoa

Wepiha Te Kanawa
  • Tāmaki Makaurau

Neke atu i te whitu tekau te rahi o ngā kai-hoahoa pūeru ka whakaatu i a rātou mahi i te wiki whakaatu pueru o Aotearoa i tēnei wiki.

Ā, ko te whāinga matua a tētahi ākonga whakahoahoa pūeru Māori, he whai tūranga ki te wiki whakakite pueru nei hei ngā rangi kei tua.

Ko ēnei ngā pueru i whai haerenga ai te uri o Ngāpuhi a Erin Wellington ki Īnia hei te mutunga o tēnei tau.

Hei tā Erin Wellington,“He hiraka te katoa, i hangaia ki īnia nā te tangata.”

He tekau mā iwa noa iho ōna tau, ā, e hia kē nei ngā taonga kua riro i a ia mō ana mahi. Ina noa nei, ko te Karahipi Mō Āhia a te Pirimia.

E ai ki a Erin he nui ake te mana o te angitū ki Aotearoa, i ō te angitu ki tā wāhi.

Ka nui ana hiahia i te Wiki Whakarei Pueru o Aotearoa, me te tūmanako ka whakaawe āna mahi i te tangata.

Ka wehe atu a Erin ki Īnia a te tekau mā rima o Whiringa-ā-rangi, ki reira rapu hiringa anō ai ki te hanga i ētahi pueru taiea.