Ngā kaupapa: Arts, Education

Ko te urupounamu he aha ngā mahi ā rēhia i kore whai mana ai hei kuhu ki ngā whare wānanga

Mānia Clarke
  • Te Tai Tokerau
  • Tāmaki Makaurau
  • Waikato/Te Waiariki
  • Te Tai Hauāuru
  • Te Tai Rāwhiti
  • Te Whanganui-ā-Tara
  • Te Waipounamu

Kei tua o te papatūwaewae o He Pouwhenua He Puapua ko te urupounamu a ngā tauira kura kaupapa Māori o mua me ngā kaiarataki kapa haka, he aha ngā whakapeto ngoi i kore ai e whai mana kia uru ai ki te whare wānanga.

“Not everyone wants to be a doctor, not everyone wants to be a lawyer, they just want to do haka and that's just te ao Māori, that's what they've grown up,” i mea atu tētehi ākonga o mua.

“I a mātou i te kura i whai mātou i te toi whakaari hei kaupapa ako anā, i whai tauwhi mātou, i Ngā Mahi ā-Rēhia, engari ehara i te mea i tāpiri āua tuawhiri ki ngā tauwhi hei uru ki te whare wānanga,” i kī atu tētehi tauira o mua kē.

E whēnei hoki te pātai a ngā kaiarataki i ngā kapa haka.

“Me whai wā tērā kaupapa ki ngā marau ā-kura, ka mutu, ki ēnei kaupapa motuhake,” i mea atu a kaiarataki o te kapa haka o Ngā Purapura o Te Tai Hauāuru a Aroha Broughton Pue.

“Ka whai wā te Māori ki te whakatairanga i a ia anō i raro hoki i ōna mātāpono.”

“Ka mutu i raro tonu i te mātotorutanga o tēnei te ao Māori.”

“Ki te whakaatu i te mana Māori motuhake,” i mea atu a kaiarataki o te rōpū Te Iti Kahurangi a Tiare Teinakore.

“Kia whai wāhi hoki ngā mea e arohanuitia nei ā tātou tamariki ki tētehi ao e tua atu i te ao o te kura.”

Nō tērā tau te tumuaki o Ngā Puna o Waiōrea, a Chris Selwyn i takato ai te mānuka ki te tari Mātauranga, kia ōrite te mana o ngā mahi ā rēhia ki ngā kaupapa ako e uru ai i ngā ākonga ki ngā whare wānanga.

Ko te take, ehara te kapa haka i te paerewa kuhu ki te whare wānanga, engari, he paerewa ā-motu kē. Ka taea te tāpiri ngā kaute ki ngā paerewa kuhu ki te whare wānanga kē atu.

“Nō reira, mēnā ka whai ngā tamariki i tērā hei kaupapa ako kia uru ki te whare wānanga ka ngāwari ake pea mā ngā kura kaupapa Māori, ngā mea kāore i te whai ngā kura auraki me ērā momo,” i kōrero atu tētehi o ngā tauira o mua.

E ai ki te tari Mātauranga, e kōtuitui ana te ao Māori ki ngā tohu mātauranga i ngā whare wānanga huri noa i te motu hei huarahi whai mahi.