Ngā kaupapa: Crime, George Taiaroa

Ko te tūpono i ngā mahara te whai mō te tirohanga puhipuhinga o Taiaroa

  • Waikato/Te Waiariki

He aukati i whakatūria ki te whakawhitinga o ngā ara o Tram me Tirohanga i te rā nei, hei uiui i te hunga e haerere ana mā ēnei huarahi, kei tūpono hoki ngā mahara o te tangata i tēnei waahi e haere ana i te rā i pūhia ai a George.

E ono tekau mā whitu tau te pakeke o te pōua nei, o George, i tāpukehia i te Rāhoroi kua pahemo ake nei.  Ko te kaikōhuru i a ia, kei te kimihia tonuhia.

Ko tā te kaikimihara matawai a Tim Anderson tētahi o ngā āpiha i te mahi ki taua waahi i te ra nei.  Ko te whai ā ngā Pirihimana i tā rātou tatū waka ai ko te kōrero ki te hunga kainga me te hunga e kaha ana ki te whakamahi ana i taua huarahi, nā konā, ka taea pea te whakaoho i ētahi maumaharatanga, ētahi kitenga a te hapori o taua waahi i mahue iho i te tuatahi.

Ko tā nga Pirihimana, ko te hunga e whakamahi ana i ēnei huarahi ia rā, te hunga kāinga, kei a ratou te ito o ngā whakamārama kia mau ai te tangata nāna tēnei mahi.

Ko tā ngā Pirihimana he tangata hūmarie, nui te aroha ki tōna whānau a Taiaroa, he take nui mō rātou ki te whai, ki te mau hoki i te tangata nāna nei i puhi i a ia.

Kei te kimi ngā Pirihimana i tētahi taraka, he kahurangi te tai, ko tōna momo, he Cherokee, ka mutu ko te whakahau a ngā Pirihimana kotahi anake te tangata e kimihia ana e ratou, he tane.

Ko tā Anderson, ”whai muri i te puhitanga i rere te taraka Cherokee ki Tram, ka rere mā Tirohanga ka hoki mā Pureroa, ka tau ki te tiriti o Link, no reira kei te hiahia mātou ki te kōrero ki ētahi i kite i taua waka.

I te pō rā i korero tahi nga pirihimana me te whānau, ā, ko tā rātou inoi, kia puta ngā kōrero.

Kairīpoata: Mere McLean.