Kaupapa: Health

Ko te Tai Tokerau te rohe tuatahi e taea ai ngā tamariki te haere ki te tākuta mō te kore utu

Dean Nathan
  • Te Tai Tokerau

Hei whakautu i te auē a ngā hapori puta noa i Te Tai Tokerau, e tōmua ana te whakatinanatanga mai o te āhei a ngā tamariki o te rohe kei raro i te tekau mā toru tau te pakeke ki te haere ki te tākuta me te whiwhi rongoā mō te kore utu.

Atu i tēnei rā, ka taea te kaupapa nei i te raki, i mua i te āheinga o ngā tamariki katoa o taua reanga, huri noa i te motu ā tērā tau.

Koinei te whakapuakitanga o te kaupapa mā ngā tamariki katoa o te rohe kia kore utu mō ngā rata me ngā rongoā.

Hei tērā tau rāno tīmata ai te kaupapa kore utu rata a te Kāwana engari nā te nui o te hiahia a ngā iwi o tēnei rohe kua kotahi mai ngā mana hauora me te poari hauora kia tuku wawe tēnei kaupapa.

He ngātahi te kōrero a te paori hauora me ngā mana hauora o te rohe, ko te kore utu o ngā rata mā ngā tamariki nei tētahi o ngā kaupapa maha puta noa i te rohe whānui nei hei whakakapi i ngā whāruarua ki waenganui i te hunga whai rawa me te hunga rawa kore.

Mā te wā e kite ai te hua o ngā mahi hāpai ake i ngā rangatira o āpōpō.