Ko te reo Māori tērā i whakaoatitia ngā roia Māori ki te kōti i te rā nei

  • Te Whanganui-ā-Tara

Ki te kōti teitei o Te Whanganui a Tara, tokorima ngā tāngata i whakaoati ki te hunga roia, ā, i rangona te reo kāmehameha ki taua kaupapa.

Koinei te whakatutukihanga o ngā mahi tauroa mō ēnei rōia hōu, ā, he hiahia nui rātou, i whakahaerehia ai tēnei kaupapa rō kōti ki te reo rangatira.

Ki tā Tiati Joe Williams he rā whakahirahira kua whai wāhi ake nei te reo Māori ki tētahi tikanga tawhito o te kōti.

“Kāore he raru ki a au. He mama ke ake.  Mehemea ka uru ai te wairua Māori i roto i ngā whakahaerenga kātahi pea ka tino māmā te haere nē!”

Ko te tūmanako ka rangona te reo ki roto i ngā mahi o te kōti hei ngā tau e tū mai nei.