ko te pōti pāerotanga tarukino o te kāwanatanga

Tema Hemi
  • Tāmaki Makaurau

Ko tā tētahi mātanga pūroi, ko te pōti pāerotanga tarukino o te kāwanatanga e kore e tuku tana awhina ki te hunga māuiui. Ko Huhana Hickey tētahi o te kāhui 'Start the Conversation' e arahi haere ana i ngā whakawhitinga kōrero e pā ana ki te ture tarukino, he whakawhitinga kōrero tuatahi tēnei i mua mai i te pōti pāerotanga ā motu. 

Ko tā Tākuta Huhana Hickey ka nonoke tonu ia i te mate roro tapepe.

He kairongoā tarukino, e pouri ana ia e kore te pōti pāerotanga kei te eke mai e kore e awhina i ā ia. 

Ko tā Hickey, "Ko te pire e whakamahi ana e mātou i tēnei wa e āhukahuka ana i te hunga e poro māuiui ana anake ā kaore i te aro ki te hunga māuiui ana pēnei i ahau. ko te whakaaetanga, kore whakaae rānei kia kore e whakahāminetia, ā me whakawaeturehia, ka taea te hunga tekau mā waru te pakeke e taea te whakatipu ki rō kāinga."

Ko tāna anō, "Me hanga he huarahi e whakamania ana i ngā take tarukino mo te āpōpō ki Aotearoa nei, kaore te kāwanatanga i te whai i tērā huarahi, e tautohe tonu ana ko te taha rongoā ki te taha rēhia."

Ko tā to rōpu NZ Drug Foundation, ko ngāi Māori e kaupehi tonu ana i ngā hāminetanga tarukino, he pai kē te pūroi whakahoutanga ko te hauora me te haepapa te āputa. 

I whakakōpani a Hickey me tēnei kōrero, "e tōmuri ana tātou, e mate ana ētahi, me pono tātou ki tēnei take i te mea e hāmine tonu ana ētahi. He aha te take e kore taea te waeturehia tēnei take, he kino kē ake te waipiro i te tarukino mōku me tōku whānau. I mate ētahi o tōku whānai i te waipiro, i pā kinotia te waipiro ki tōku whānau ā waihoki e kore te tarukino e pēra rawa, ko te whakamauhere kē."

E tokorima ngā mātanga e noho ana i te kāhui The Winter Panel 2018 mā rātou tonu a whakahaere he kōrero ki te wharetāpere o Pump House ki Takapuna hei te tuarima o Hereturikōkā.