Kaupapa: Treaty Settlements

Ko te panuitanga tuatahi o te pire whakatau kerēme mō te iwi o Heretaunga Tamatea

Aroha Treacher
  • Te Tai Rāwhiti

He rā whai hītori nui mō ngā hapū o Heretaunga Tamatea ki Te Matau a Māui i te pānuitanga o te pire whakatau kerēme mō te iwi ki te whare miere.

"Ko tēnei me kī te wahanga timata o te wahanga whakamutu o tō mātou kaupapa whakataunga," te kī a te tiamana o He Toa Takitini a David Tipene-Leach.

He hunga rahi nō Kahungunu i haere atu ki te Whanganui-a-tara kia rongo i te panuitanga tuatahi o tō rātou pire.

"Ko te whakaaro nui te roa hoki mai rānō mai rānō mō e hia nei te roa e pakoko mai ngā tipuna i te kuaha o te pakeha kia whakaaehia nei e rātou i o rātou nā hē, kua tata atu tātou mātou i tēnei wā ki te whakamutunga o tērā āhuatanga," e mea ana a Tipene-Leach.

I timata ngā mahi tūkino o mua i roto i ngā tau tekau mā waru e whā tekau nā reira te rangatira o Heretaunga Tamatea i tuku tono ki te Karauna kia hokona te whenua.

I raupatuhia e te Karauna te nuinga o ngā whenua kōtahi ira whā miriona te nui, nā whai anō hei ngā tau kōtahi mano iwa rau i tata ngaro te katoa o tō rātou whenua tipu.

Nā ēnei rapatu whenua ka riro ko te hapū he kai mā te ahi ā-hapori, ā-pūtea, ā-ahurea hoki i roto i tēnei rua tekau rautau.