Kaupapa: Kapa Haka

Ko Te Mātārae i Ōrehu ngā toa o ngā whakataetae kapa haka ā rohe o Te Arawa

Heeni Brown
  • Waikato/Te Waiariki

Nā te kirikawa ki te maurākau, ki te haka a 'Te Irirangi Tiakiawa' tētahi rōpū i hanga hei whakapūmau i ngā koringa o uki - ki ngā reanga whakatipu.

Koira i oroko mai ai te rōpū o 'Te Matārae I Ō Rehu' he tata ki te rua tekau tau ki muri nei. Nā, ahakoa kua toa ā-motu, he tuatahitanga tenei kia kapo i a ratau me to ratau kotahi, te taitara ā rohe.

Hei tā Wetini Mitai-Ngatai, “Pai ki a ia ngā whakanekeneke whakamahia ngā tūtira hōkai arā ko ngā whakanekenekehanga a te ope tauā kia pai ai kia ora ai ērā kōrero ērā āhuatanga i runga i te atāmira.”

Ko Ngā Uri o Te Whanoa tēnā e noho matāmuri nei. Na, ko Kahurangi Maxwell tēnā kua tohu ki te taonga tātaki wahine mō tōnā wā tuatahi.

Ki te turanga tuatoru ko Tūhourangi Ngāti Wahiao. Rere ana ko ngā reo tīoriori ki ngā taringa o te tini me te mano.

Ko Ngāti Rangiwewehi tēnā ka taki i te huarahi ki Otautahi hei mana tuawhā mō te rohe.

Ki ngā whakamarumaru o Tukiterangi Curtis ko te rōpū hou a 'Te Pikikōtuku o Rongomai'. Ko rātou te mana tuaono o Te Arawa.

Hei hoa hāere mā Te Pikikōtuku o Rongomai ki Te Matatini o Waitaha a tēra tau ko te mana tuarima o Te Arawa ko Kataore.