Ko te matapae a te Tūmuaki o Hato Petera, taihoa ake nei te kura, ka kapi

Talisa Kupenga
  • Tāmaki Makaurau

Ko te matapae a te Tūmuaki o Hato Petera, taihoa ake nei te kura, ka kapi. E whakapae ana a John Mathews kua tau kē nga whakaaro o Te Tāhūhū o te Mātauranga me te hāhi katorika mō te kapinga o te kura, ā ko te matapae, ka puta taua whakatau ki tētahi hui āpopo.

E ai ki ngā kōrero i hui ngātahi Te Tāhūhū o te Mātauranga me te hāhi katorika i Tāmaki hei āta matapaki i te orangatonutanga o te kura. Hei tā te Manatū ki a Te Kaea ka hui ngātahi aua rōpū e rua me te poari o te kura āpopo ki reira puta ai he whakatau.

Ko nga rōpū kua whai wāhi ki ngā whakawhitinga kōrero mo te whakatau ko  te hāhi katorika o Tāmaki, ko rātou ngā kaipupuri rīhi o te whenua. Ko Hato Petera Limited, kua whakaki e taua rōpū i Te Whānau o Hato Petera Trust i tēnei tau. I whakatū tēnei rōpū hei māngai mo ngā whānau ki te kāreti me te whakahaere i te wāhi noho o te kura. Hei tāpiri atu ko Te Waka o Petera, he rōpū hapori e pakanga ana mo te orangatonutanga o te kāreti i te mea kāre ngā whānau i whakaae ki ngā mahi whakahaere o Hato Petera Limited.

Ko te mataku a John Matthews ka rere te toki.

"I can only think the negative because leading up to this has been negative,” ko tā Matthews kōrero

“The hostels in effect have been closed twice in the last year and each time it has impacted our role, so, at the end of 2015 when both the junior and senior hostels were closed our role halved. [In] 2016 when they do the consultation round it's around the sustainability of the college not the hostel now that our role has been halved. We are a boarding school and without a hostel we've got no school.”

E ai ki a Matthews ko te whakakore i nga whare noho te mahi tuatahi, ā, ko tēnei te ara hei aukati i te kura. Nā tēnei kua whai wāhi noho ētahi tauira ki Te Unga Waka Marae ahakoa kei te noho tonu ētahi tauira whare wānanga ki nga ruma noho ki Hato Petera.

Ēngari he aha te take ka tāea e ratou te noho ki ngā whare noho, tē tāea nga tauira o Hato Petera?

E ai ki a Matthews i whiu e ia tēra pātai ki Te Tāhūhū o te Mātauranga.

“Its response was that the licence was for secondary school students, but in any accommodation if you've got five or more people that do not reside there I think you need a licence.”

Na ture whenua karauna o nga tau kotahi mano waru rau rima tekau, i koha te whenua ki te hāhi kia tū he wāhi whakaako tauira Māori. Ko tā Matthews korero i whakakore te raihana o Hato Petera Limited mo nga whare noho, ā, kaore ano tētahi kua whiwhi raihana i tēnei wa.

Ko tā Matthews korero, “the impact on those whanau has been stress and anxiety about where their children will be living, from being billeted to living in camp grounds, right at exam time."

Mena e whai Te Tāhuhu Mātauranga kia kati te kura mo te tau e heke mai nei, me whakamōhio te poari i mua i tēnei Rapare kia taea te ū ki te rā aukati mutunga hei te rua tekau ma whitu o Kohitātea.

E ai ki te hāhi ka haere tonu ngā kōrero ki waenga i a rātou me te Manatū nā reira e kore e taea e rātou te kōrero, kāre anō rātou kia tau noa āhea rātou kōrero ai ki a Te Kaea. I whakapā atu mātou ki a Hato Petera Limited engari kāre anō rātou kia whakahoki kōrero mai.