Ngā kaupapa: Entertainment, Tainui

Ko te marae te wāhi pai mā Chris Brown hei whakaea i ōna hara

  • Waikato/Te Waiariki

E ai ki ngā kaiwhakatū i te konohete o Chris Brown, ka aro atu rātou mēnā ka tuku a Tainui i tētahi pōhiri kia tae ake te kaiwaiata rongonui ki Wāhi Pā mehemea ka tukuna mai a Chris Brown ki te whenua nei.

He kaiwhakarite a Jevan Goulter mō te kamupene whakatairanga o Castor and Ford, ā, hei ko tāna, tērā ngā hua kei a Chris Brown pea mō ngā iwi o Aotearoa.

Hei tā Goulter, koia (Brown) tētahi tangata rongonui rawa atu o te ao, ā, he pai pea mā Tainui kia mahi tahi ki a Brown.

E ai ki a Goulter, kua whāki mai a Tukoroirangi Morgan ki a ia, me te kī, ka whakaaro pea rātou kia pōhiritia a Chris Brown mehemea ka kuhu ia ki roto i a Aotearoa.

Hei tā Tukoroirangi Morgan, “Ki te tau mai a Chris Brown kotahi anake te wāhi tōtika kei runga i tō tātou marae, kei reira te wāhi tōtika kia taea ahakoa ko wai te akiaki te werowero i a ia mō ōna hara ki tōna hoa.”

Hei tā Goulter anō, ka kitea te marea he nui te tautoko mōna heoi kāore anō a Brown kia tono mai kia uru i te whenua nei.

E ai ki a Goulter, he akoranga pea hei tā Brown mā mātou.  Tirohia ngā māngai o te kaupapa Rīpene Mā hei tāna, he ōrite tā rātou ki a Chris Brown.

I hokona atu ngā tīkiti i tenei wiki mo te konohete a Brown ka tu hei te tekau ma waru o Hakihea, ahakoa kaore ia i te whiwhi pane uruwhenua.

Engari i tēnei ahiahi i tukuna te karanga a Kīngi Tuheitia, kāore ia i te tautoko i te tūkino wāhine, ā, kāore ia i te tuku pōwhiri ki a Brown mehemea ka kuhuna ki Aotearoa.