Ko te makariri ka ngau i te hauora o ngā whānau rawa kore

Dean Nathan
  • Te Tai Tokerau

Kua eke ki te wāhanga o te tau e rongo ai i te tino ngau o te makariri. Engari he kino kē atu tēnei āhuatanga mo te tinimano o te iwi e noho mai ana, horekau he hiko he mahana he wai ranei i o ratou wāhi noho. 

Ko te peihana kihini o Helyn Tavita he tauira o ngā taumahatanga e kaha pēhi nei i te hunga rawa kore.  Na te kore moni hoki, kua whitu ngā tau a ia e noho ana kahore he hiko, he wai, he ārai hoki o tōna whare tīni.

Ko tāna, “ko te kore moni te raru mo te nuinga, ko tāna me āta whakāro ai te Kāwanatanga ki te tuku pūtea awhina ka whakahokia e ngā whānau a ngā tau, ko tāna na te noho rawa kore a te maha noa, tokomaha ngā whānau me ngā tamariki kei te pā ki te māuiui.”

E rima tau iaianei no te rironga mai o tana mokopuna a Alia mana hoki e tiaki ā he kotiro hoki tenei e pāngia ana e ngā mate maha pēnei i te totoa rawa me te autism. 

E mea ana te rangatira o Habitat for Humanity, ehara i te mea ko Helyn anake e noho ana me ēnei āhautanga engari he rarunui tēnei kahore e kite ana.

No te waipuketanga o Kaeo e whitu tau ka tukino te whare o Helyn ka puta te whakatau a te kaunihera me mutu tana noho ki reira.  Na mai i taua wā kua wheke ia kia hokona atu tona whare tawhito mo te utu iti nei me te utu tonu I tana mokete.  Na ma ngā toenga moni ka hokona mai tenei hēti hei ruruhau mōna.

Heoi ano, na te kore ārai o tōna ruruhau , kua timata kē te makariri ki te hou mai ki roto ki tōna hēti.