Kaupapa: Employment

Ko te kamupene o Altus tērā e whai mahi ana mō te hunga hauā nui rawa o Tāmaki Makaurau

Wepiha Te Kanawa
  • Tāmaki Makaurau

Ko Altus te kamupene tuku mahi ki te hunga hauā nui rawa o Tāmaki Makaurau, tata ki te rua rau ngā tāngata e mahi ana i tā rātou wheketere ki Māngere.

Kua kite i te piki o te nama o ngā Māori e whai mahi ana ki tā rātou kamupene, ā, e ai ki tētahi uri o Ngāpuhi mei kore ake a Altus, ka uaua mōna te whai mahi.

Ko rātou pea ngā kaimahi ngākau nui whakapau kaha rawa o Tāmaki.                                                          

I ngā tau rima tekau kua taha ake, kua kite a Altus i te pikinga o te nama o ngā kaimahi Māori, Pacifica hoki.

Tērā ngā wero i kitea e Okio Haretuku.

Engari ko tana tama, e rua tau te pakeke te take i hihiko ai ia.

Kua toru tekau mā toru tau a Adam Wilson e mahi ana ki konei, e mate ana ia i te mate-hinengaro.  E ai ki a Adam ko tēnei tana kainga rua.

Kei te whakawhānui ake a Altus, ā, kei te hūnuku ki wāhi kē kia pai ai te noho o o rātou kaimahi, kia piki hoki te nama o o rātou apataki.