Ko Tauranga Moana anō e whakatikatikahia ana whai muri i ētahi hinu kua maringi mai i a Mobil

  • Waikato/Te Waiariki

Ko Tauranga Moana anō e whakatikatikahia ana whai muri i ētahi hinu kua maringi ki te wai mai i ngā paipa hinu o Mobil.

E ono ngā rōpū kua tīmata i ngā mahi whakatikatika, a ka hia kē nei ngā wiki hei whakapaipai.

He hokinga mahara ki te raru i pae ki uta nei e whā tau ki muri.

No te atatū ko te whakapaipai nga mahi a te rōpu nei, he toru rau mita te whānui o te rukenga o te hinu ki te herenga waka o Tauranga.

Heoi, kāore tonu e mōhio ki te whānuitanga o te raru nei, engari kei te tirohia tonutia nga wāhi i Waikorire atu ki Matakana.

Kua whakamanahia e Mobil nō rātou te hē, i te kitenga o tā rātou paipa kōhinu kua pākarutia. Nonanahia nei ka kitea te hinu e rewa mai ana i te wai ia rātou e whakakī ana i tētahi kaipuke. Heoi no te rā nei ka puta ēnei kōrero a te kamupene nui.

Kei te mahi tahi a Mobil me ngā mananui ki te whakatika i te raru nei. E pāpouri ana rātou kua pā tēnei raru, a kei te kōkiritia e ratou he whakatewhanga, na te aha i pa ai.

Nā te āhua o ngā huarere inanahi i horapa ai te hinu, a, kua mau ki nga rimurēhia. Hei tā nga mātanga me matāra te iwi ki ngā whakatūpato i mua i te haere ki te āwhina.