Kaupapa: Prison

Ko tā te whakakitenga Insideout6 he whakaatu i ngā mahi toi a ngā mauhere

  • Tāmaki Makaurau

Ko "InsideOut 6" te ingoa o tetahi whakakitenga toi, kua ono tau inaianei e kawea ana e te Whare Toi o Mairangi i te Pae o te Raki.

Ko te rerekē o ngā taonga i tenei whakāturanga mea hanga katoa e te ringa mauhere, i raro i te kaupapa Art in Prisons.

He kaupapa whakaakoranga "Mahi Toi ki rō Whareherehere", i hua ake na runga i te wawata a tēnei rangatira kia whāngaihia enei momo taonga ki te hunga mauhere, hei mahinga ā ringa, hei whakapau ā taima.

Tūturu kei hea noa atu ngā painga me ngā hua ka puta i tenei kaupapa kua tae ki tōna tau tuaono e whakātuhia ana ki te Whare Toi o Mairangi, me te aha, ehara mō ngā mauhere anake, engari mo ngā hapori whānui.

Ko te whakāturanga InsideOut te tuaono tēnei, kua whakatinanahia nā runga i te mahi tahi a Te Poari hapori o Whangaparaoa, te Whare Toi o Mairangi, me Ara Poutama Aotearoa, ka kati hei te Rātapu.