Kaupapa: 28th Māori Battalion

Ko tā te kaituhi o te pukapuka hōu mō Te Rua Tekau mā Waru, he nui ngā rerekētanga

Mānia Clarke
  • Waikato/Te Waiariki
  • Te Tai Hauāuru
  • Te Whanganui-ā-Tara
  • Te Waipounamu

E tuhi ana a hōia o mua, kaitumu kōrero hoki a Harawira Pearless i te pukapuka tuatahi e pā ana ki Kamupene D o te ope tauā o Te Rua Tekau mā Waru. Hei tāna he rerekē rawa ngā āhuatanga ā-Iwi, ā-nohonga anō hoki i tā ngā kamupene atu.

Ko ngā tama o Ngāi Tahu i whawhai ki te pae o tūmatauenga mō rātou ake te aronga o te pukapuka hōu nā te kaituhi nā Harawira Pearless.

“Ko wērā ngā tangata e mau ana nga tītī, ko wērā ētahi o ngā tangata mau ana i te kūkū. Tata noa ki te moana katoa. Ko te kaha o wērā tāngata, ko wērā ngā tāngata o te whenua,” i mea atu ia.

I ngā marama e waru kua hipa, he korero haere tāna mahi ki ngā whanau a ngā hoia o Kamupene D me ngā rātou mahi ā-tūmatauenga i te mura o te ahi i te Pakanga nui Tuarua o te Ao.

“Tino kaha rātou ki te whawhai. Tino nui ake ā tātou nei tūpuna hōia Māori nō tēnei paratunu ki te whakawhiwhia nā i  ngā tohu māia, ara rā ko Ihaia Weepu nō Te Arahura, ara rā ko Haki Tainui nō Te Wairewa, ara rā ko Wiremū McCray inā hoki nō Te Wairewa hoki. Kei runga i ngā pae pakanga maha, tīmata mai i Kirihi, heke iho ki Kariti, heke iho ki Ihipa ki te Itāria hoki.”

Ko tētehi atu rerekētanga nui e kōrerotia ana e Pearless, ara te rahi o te whenua i nōhia ngā ika a Whiro nō Te Waipounamu i tā ngā toa nō Te Ika a Māui.

“Ko te paratunu tekau mā waru ko wērā te rohe o te Kamupene D kei roto i Te Waipounamu nei. Ko te waru tekau mā rua te paihēneti o ngā hōia nō ngā hapū maha o te Kamupene D.”

Ko Kampune D te mea anake i tū ngātahi pokowhiwhi ki te pokowhi a ngāi Māori a ngāi tauiwi anō hoki.

“Ko wērā ngā hōia nō Hāmoa, ngā hōia nō Tonga, nō te Rarotonga, nō te Niue, nō te Moriori hoki, o Tāhiti. I tētahi atu he Pikau-Shawnee Indian i Amerika ki te Tonga.”

Ko te whakapae ka oti te pukapuka ā te marama o Mei ā tērā tau.