Kaupapa: Politics

Ko tā ngā kaipōti Tai Tokerau "He tāne kakama" a Kelvin Davis

  • Te Tai Tokerau
  • Tāmaki Makaurau

E tautoko ana ngā kaipōti o te rohe pōti o Te Tai Tokerau i te ekenga o te kaiārahi tuarua hou o te Rōpu Reipa i a Kelvin Davis.

Ko tā tētahi kaipōti, "Noho mai i ngā moemoeā ā ō tātou mātua."

Ko tā tētahi atu, "Pai katoa te kite i tētahi kanohi Māori ki tēnā taumata."

Ko tā tētahi kaumātua a Wimutu Te Whiu, tērā ia ka eke pea hei Pirimia tuatahi mo te iwi Māori. "Koia tēnā kua tae atu ki tērā nohonga mo te wā, tēnā pea wā anō ko Pirimia tuatahi."

E ai ki a Apenti Tamanui-Fransen me whakatau rānei a Te Tai Tokerau i ngā rongo rautaki i mua i te tuku pōti. "Me tukuna atu nga pōti o te pāti ki Reipa ana ka tukuna atu tērā atu o ngā pōti ki Hone kia tāea e te tokorua nā kia eke kotahi."

Kei te whakaae te katoa ki te uauatanga o te mahi kei mua i a Kelvin Davis.

"Ae, ka tae atu ia mēnā kei reira ngā mea tautoko i te rā pōti."

Ko tā rātou mā te tautoko, ka tāea noa ihotia e ia āna mahi kaiārahi, āna mahi ā-rohe hoki e tūtuki.