Ngā kaupapa: Education, Health, Welfare

Ko tā KidsCan e rahi haere ana te hiahia i ngā kura taumata teitei

Mānia Clarke
  • Te Tai Tokerau
  • Tāmaki Makaurau
  • Waikato/Te Waiariki
  • Te Tai Hauāuru
  • Te Tai Rāwhiti
  • Te Whanganui-ā-Tara
  • Te Waipounamu

E ai ki te Tumuwhakarae o te rōpū KidsCan, te rōpū whina i ngā tamariki o te motu e noho pōkaikaha ana, he maha ake ngā īnoi e whiwhi ana rātou i ngā kura taumata teitei. E ai ki a Julie Chapman, ko te nui o te utu kia noho ai i Tāmaki Makaurau te take.

E takoha ana a Chapman i ngā rawa ki ngā tamariki i ngā kura rawa kore. Engari kua huri te tai.

“We've seen a bit of an increase in decile 5, 6 and 7 schools asking for support,” i kī atu ia.

“So it's really that food, that clothing, those basic health and hygiene items.”

E torotoro ana te āwhina a KidsCan ki ngā kura hōu e iwa, kia whitu rau tekau mā waru te rahi o ngā kura, taumata tahi ki te whā hurinoa i te motu. Engari kua kore whakamanahia ngā kura taumata teitei ki ngā pukapuka.

“I think that's a reflection of the high cost of living, rents and low-income people not necessarily being able to afford to make ends meet,” said Chapman.

“Ko wērā ko ngā kura whai rawa i roto i ngā wāhi noho nei, te hunga e kaha ki te whiwhi mahi, ko te hunga nō rātou anō ō rātou ake whare, wērā mea katoa,” i mea atu te tumuaki o Te Wharekura o Manurewa a Mahia Nathan.

Ko Waikato-Tainui te iwi tuatahi hei tākoha i te kotahi rau mano tāra ki a KidsCan hei āwhina i ō rātou uri i te rohe whānui o Waikato, tae atu ki te tonga o Tāmaki Makaurau. Hei tā Nathan, me utu kē te kāwanatanga i te nama.

“Ehara i a KidsCan te kāwanatanga,” i kōrero atu ia. “Kei te kāwanatanga kē ngā putea ngā rauemi rahi rawa atu. Me whiriwhiri i a rātou he āhuatanga.”

Ahatia te rahi haere o te hiahia o ngā tamariki i ngā kura whai rawa ake, hei tā Chapman ko ngā tamariki e noho poikai kaha ana te aronga tonu.

“We always assure our current schools that we will never remove a programme from them,” ka kī atu ia.

Hei tā Chapman me tautoko te tuakana i te teina i ngā kura whai rawa, me ngā mātua whai rawa ki te āwhina i ngā tauira rawa kore.

Ka mutu e wātea ana te hōtaka KickStart, ka tuku i te miraka me te witi-piki ki ngā kura katoa.