Ko ngai Māori te iwi kei te kaha patua e te mate porohau

  • Tāmaki Makaurau

E ai ki te Wānanga Rangahau Hauora o Malaghan, tekau ma rima paiheneti o ngā Tāne Māori ka pāngia e te mate porohau, engari e rima paiheneti noa o Pākehā, ā e ono paiheneti he wāhine Māori, e rua paiheneti noa o ngā wāhine Pākehā ka ngaua e te gout. He kitenga e tautokohia ana e tētahi rata o te Tonga o Tāmaki.

Hei tā Takuta Melanie Farr, “Ae ko te nuinga o a matou turoro he Māori, he Pacifica, kei konei taua mate.”

Ko te mate porohau nei he kohikohinga o te uric acid ki roto i te toto, ka mārō te noho ki ngā hononga tangata, me te whakapae ano, he mate tuku iho.

Kua whā tau inaianei te mamae e ngaro ana mai ngā waewae o tēnei kaumatua, a hei tāna he māmā noa iho ngā huarahi hei whakakore atu i te mate porohau.

Ko te wero nui ki te iwi Māori, kia tupato ki tenei mate te mate porohau, whaia te huarahi o te ora, kia kore ai koe e rongo i tōna nei mamae.