Kaupapa: Fashion

Ko ngā whakaaturanga tuatahi a D'Monic Intent me SYRE i te hui nui mō te wiki pueru o Aotearoa

Wepiha Te Kanawa
  • Tāmaki Makaurau

Ko ngā whakaaturanga tuatahi a 'D'Monic Intent' me 'SYRE' nō Ngāti Maniapoto me Ngāpuhi i tū ki te hui nui mō te wiki pueru o Aotearoa i te rā nei. Engari ehara ko ngā kaiwaihanga anake i puta tuatahi atu, ko ētahi kai-whakaatu pueru Māori hoki i takahi i te ara pueru mō te wā tuatahi.

Tērā te pai o ā mua i te papa hīkoi. Engari e rerekē ana pea a muri, i te whakaaturanga o D'Monic Intent.

E rua marama noa te roa mō Maxine rāua ko Samara Wooldridge ki te whakarite i tā rāua whakaaturanga tuatahi.

He mea whakahirahira te eke ki te papa hīkoi o te hui pueru nui o Aotearoa mō Trina Tanga, he tuatahitanga mōna.

Hīkaka katoa ana te kaimau pueru Māori nō Tauranga a Tia Harris ki te tautoko i tētahi kaupapa Māori.

Ā, hei tā Aaliyah Jobe te kaiwaihanga pueru o 'SYRE', tekau mā whitu tau noa te pakeke, he nui ngā hua kua puta.

Ināianei kua ea ngā mahi, ā ko te manako a ēnei kaiwaihanga kia eke ngā mahi ki taumata kē a tērā tau.