Ko ngā wāhine kei te ako i ngā tikanga o Te Whare Tu Taua

By Aroha Treacher
  • Te Tai Rāwhiti

Me uaua ka kitea te wāhine e mau rākau ana, heoi, i aianei nā, he nui noa atu ngā wāhine e takahi ana i te ara a Tūmatauenga, e whāngaihia nei ki ngā hua o Te Whare Tu Taua.

Ko te mahi mau rakau, he mahi horotete a-tinana. E hia ke ngā tau me whakangungu me manawa titi hoki te tāngata ki te kaupapa.

Ko Erin Keremeta-Kapa te tuarua o ngā wāhine tokorua noa kua eke ki te keokeonga o te mau rakau, kua eke ki te taumata pouwaru.

Ahakoa kua rahiritia ngā wāhine katoa ki te wananga o Te Whare tu Taua, ara tonu etahi kaore i te whakāe.

Hei tā Pita Sharples, “Ko etahi o ngā kaumatua, ngā kaukuia, kaore e  whakāe ana mo ngā wāhine ki te mau rakau, kahore rātou e mohio ki to tātou hitori, he maha ana ngā wāhine rangatira e mau rakau ana taitokerau, i te tairawhiti i hea ranei i ngā wā o mua.”

I whakanuia te huritau toru tekau o Te Whare Tu Taua i tēnei tau, a he tini hoki ngā pou mau rakau no ngā topito o te ao i karahuihui mai ki te whakanui i tēnei kaupapa rangatira.

Tuaritia: