Ko Ngā Taiātea te whakaihuwaka o te whakataetae ā-rohe

  • Waikato/Te Waiariki

E whā ngā kapa ka waha i te mana o Tainui Waka ki ngā whakataetae Kapahaka ā-motu o Ngā Kura Tuarua ki Tūranganui-a-Kiwa a tērā tau.  

Tekau ngā kura nō ngā koko katoa o te rohe i hui atu ki Te Kura Tamatāne o Kirikiriroa inanahi nei, kia kitea ai ko wai te whakaihuwaka o rātou, me te aha, i tohua ko ngā toa o te motu, ko Te Wharekura o Ngā Taiātea.