Ko ngā ringawera Māori e whakanui ana i te ahurei Tāmaki Herenga Waka

  • Tāmaki Makaurau

Ko te whai a ngā ringawera Māori i te Ahurei o Tāmaki Herenga Waka, he tūhonohono i ngā kai me ngā tikanga tunu kai ō-nehe ki nga momo kīnaki hōu.

He wharekai Māori ka tū hei whakātu, hei whāngai, hei tohutohu ano i ngā mea rerekē e taea te hanga atāahua ma ngā kai Māori.
 
Ko tā te Ringawera Matua, tā Grant Kitchen, e titiro ana rātou ki ngā tikanga tunu kai ō-nehe kia āhei te tangata ki te mahi ki rō kāinga.

Kāre e kore ka kitea etahi ātuatanga rerekē, āhuatanga ohorere rānei ki etahi.

Hei tā Kitchen, he mahi hāngi tā rātou engari he 45 mēneti noa te roa o te tunu.

Tua ātu i ngā mātauranga o tenei uri o Tuwharetoa, he tira mahi rongonui kei te tautoko ia aia.

Hei tā Kitchen anō, ko Nancye Pirini tērā e tunu ana i te pūrini korohū Māori, he mahi whakairo pata te mahi a Tim Aspinall, ā, ko Tu Fearn tērā e tunu ana i ngā dumplings.

Ko te tūmanako mā ēnei momo ahurei e kitea ai e te ao, ngā pūkenga maha o ngā mātanga ringawera Māori.