Kaupapa: Kapa Haka

Ko Ngā Manu a Tāne ngā toa o te Whkataetae Kapa Haka o Waitaha

Mere McLean
  • Te Waipounamu

Ko ngā whakaihuwaka o Waitaha Pakihi Whakatekateka - Ko Ngā Manu a Tane tēnei e mau ana i te tunga tuatahi ki nga whakataetae i tēnei tau. 

Nuku atu i te rua rau te whakaminenga i whakakao mai ki te whare tapere o Lincoln ki Otautahi, mō manukura wahine o te kaunihera ahurea o Waitaha ko ngā manako kua whakau ki roto i ēnei kapa kia noho hei kanohi mo te rohe ki Te Matatini, rua mano, tekau ma rima ki raro i te mana o tēnei rohe.  

I whakatūria te kapa o Te Ahikomau a Hamoterangi i te tau rua mano, tekau ma tahi, he toa no ngā tau ki muri ki tēnei whakataetae, i tēnei tau i kapo i a rātou te tunga tuarua. 

Engari, he kapa hou ka whai ake i Te Ahikomau a Hamoterangi mō te tunga tuatoru, nau mai, hāere mai Te Pao a Tahu ki Te Matatini!

Mō te kapa o Te Kotahitanga, tētahi kua roa e whakakanohi ana i te rohe o Waitaha, i tērā tau i puta mai ratou ki Te Matatini, Rotorua, i tēnei tau, kaare i tohua e ngā kaiwhakawa, a, e kore rātou e hāere ki Te Matatini. 

Kua hipa te toru tekau tau mai i te wa i tu te whakataetae kapa haka a motu ki Otautahi, hei te tau rua mano tekau ma rima ka whakarewa ano Te Matatini ki te pae.