Kaupapa: Education

Ko "Ngā Kī" te toa i te pō tohu taonga mō ngā Kupu Ora Aotearoa Book Awards

  • Te Whanganui-ā-Tara

Ko Huia Publishers te toa whakaihuwaka i te pō tohu taonga mō ngā Kupu Ora Aotearoa Book Awards mā ngā tamariki.

I whakawhiwhia ki a Sasha Cotter rāua ko Kawata Teepa te tohu matua mō tā rāua pukapuka e kīa nei, Ngā Kī.

He pukapuka e tirohia ana ki te hononga i waenga i tētahi Pāpā me tana tamāhine.  I hoki ngā mahara a te kaituhi a Sasha Cotter ki te wā e tipu ake ia, ā ka noho pūmau tēnei pukapuka ki tōna ngākau.

Ā, ināpō rā i whakawhiwhia te pukapuka ki te tohu mō te wāhanga Māori mō te tau nei. E ai ki a Brian Morris, māngai mō te whare kaiwhakaputa pukapuka, a Huia, kua aronuitia te kaiwhakamāori a Kāwata Teepa kia tika ai te rere o te reo.

E pai ana ki te taringa, e pai ana hoki ki te arero, ko ētahi kupu nāna hoki i waihanga.

Kua roa nei a Morris e mahi ana i te ao whakaputa pukapuka, heoi he wero tāna ki ngā kaituhi Māori.

E ai ki Morris, “Me whai tonu tātou i ngā kaupapa o tō tātou ao, o tō tātou whenua hoki, kia kite hoki i ērā āhuatanga.”

Ko te tūmanako ia, kia puta ai ngā pukapuka pēnei, ki ngā akomanga puta noa i te whenua.