Ngā kaupapa: Kapa Haka, Tainui

Ko Mōtai-Tangata-Rau ngā toa o te Whakataetae Kapa Haka a rohe o Tainui waka

Wepiha Te Kanawa
  • Waikato/Te Waiariki

E tohu ana nei takahitanga a Mōtai-Tangata-Rau i ngā tau maha kua whēke katoa ana uri kia whai wāhi rātou ki te whakataetae a motu o Te Matatini.

I tae atu a Ngā Pou o Roto ki te tūranga tuawha, i toa hoki rātou i te taonga mō ngā kakahu, me te waiata tira.

Hei tā Ngahuia Poka, “He nui taku aroha mō ta matou nei kapa, te whānau, ngā ringa wera, tae noa ki ngā kuki me ngā kaituhi, ae! Hari koa ana te ngakau.”

Ko Te Pou o Mangatawhiri te kaitohu i te ikeikenga pukenga poi, te titonga hou me te taonga a tu, i eke rātou ki te tūranga tuatoru.

A, ko Te Iti Kahurangi ngā makau o te whakataetae o Tainui inanahi, i toa i a rātou te taonga o Te Reo, te mōteatea me te kaitātaki wahine.

Heoi ko te kapa i kapo i te mana o te kapa haka toa o Tainui waka, ko Mōtai-Tangata-rau.