Kaupapa: Health

Ko "Mauri Ora" te kaupapa o te Hui Whakaora Wairua

  • Waikato/Te Waiariki

E whakarite ana te rōpū hauora Māori o Te Rau Matatini ki te pōwhiri i te tinimano iwi taketake ki te hui “Whakaora Wairua o te Ao” hei te marama o Whiringa-ā-Rangi.

Hei tā Takuta Kahu McClintock, "Ka tika ko te kaupapa Mauri Ora nō ngā whenua katoa pērā i a Canada, Hawai'i, Ahitereiria, wērā katoa ka haramai ngā reo o ngā iwi taketake o te ao."

Ko tēnei te whakakotahitanga tuawhitu, ā, ka tū te hui nei mai i te 15 ki te 19 o Whiringa-ā-Rangi ki te rohe o te Kīngitanga nā runga i te take ko te Kaitaunaki o te kaupapa nei ko te kīngi Māori a Kīngi Tuheitia.

Hei tā McClinton, "Ahakoa kei ngā whenua rerekē o te ao, kei i a tātou tā tātou ake moemoeā ki te tū rangatira ki te tū māia ki te tū kaha i ngā whenua katoa o ngā iwi taketake"

Ko te aronganui mō tēnei hui ko te orangatonutanga o ngā hapori iwi taketake, ki te whakawhitiwhiti tikanga hauora e taea ai e rātou te whakahoki atu i o rātou ake whenua, ki o rātou ake whānau.