Kaupapa: Waka Ama

Ko Mauke Maire ngā toa mo te WT12 500 mā ngā kotiro

Te Kāea
  • Waikato/Te Waiariki

I pakari rawa te waihoe a te kapa Mauke Maire, tētahi o ngā kapa nō ngā Kuki Airani. I puta mārika tō rātou ihu i te rēhi Mid Womens WT12 500, mai i te timatanga o te rēhi tae noa ki tā rātau whakawhiti rātau i te rārangi whakamutunga.

Ko ngā tīma i whai wāhi atu ki tēnei rēhi whiringa toa ko Tūrangawaewae Sistaz, Mauke Maire, Puketirini Paddle Pops, Pukeroa Hunibees, Māreikura, Mana Kotiro, Paeax2 rātau ko Te Rangitotohu.

I rawe te hoe a ngā tima katoa, hēoi ko Mauke Maire tērā i whakaatu atu i te tino ihi. I te otinga atu i whakawhiwhia rātau ki te mētara kōura, ā, ko te kapa Pukeroa Hunibees i tae tuarua mai. Whai muri iho i a rātau, i te tūranga tuatoru, ko Tūrangawaewae Sistaz.

Mō te whānuitanga o te rēhi, me ngā rēhi ka whakahaerehia i tēnei wiki, whātoro atu ki te paetukutuku o raro iho nei.

http://www.maoritelevision.com/tv/shows/2014-waka-ama-sprints