Ko Horahora Marae te wāhi mo te Poukai tuatahi o te tau 2015

Renee Kahukura Iosefa
  • Waikato/Te Waiariki

Hei te tau hōu rua mano, tekau mā rima, ara ake ai he kawenata hōu ki mua i te aroaro o te iwi o Waikato Tainui. I raro i ngā whakahaere a te Kīngitanga, tū ai te Poukai tuatahi o te tau, ki te marae o Horahora.

I a tau ko te Poukai tētahi o ngā hui okawa, hui Motuhake e whakahaere ana i ngā Marae puta noa i te Iwi o Tainui.

Waru tekau ma tahi tau e whakahaere ana te Poukai ki Horahora Marae. Hei tā Pat Kingi rangatira o te Marae hr whānui ngā hua o te kawenata hou o te Iwi e herea nei ki raro i te mana o tēnā Marae, o tēnā Marae.

Ko tāna, “E tika ana me mau ai nga mana ki nga Marae me nga Marae i mahia te national government 33 hapu na nga Marae katoa kei runga na reira e tika ana whai mana nga Marae. “

Tuturu ko te whakatinanatanga o te kawenata hou e kokirihia ki ngā Marae puta noa I nga marae o Tainui tetahi o nga whainga nui kei mua I te aroaro o tenei o nga tau hou 2015.

E whakapono ana a Tom Moana i raro i te Kawenata hōū he ara whakamua tēnei hei whakapakari ake i ngā kaupapa huhua kōkiri nei i te Iwi kia kotahi te hoe o te waka.

Hei tāna, “Mehemea kei te mahi kotahi tatou mehemea ka wheeratia he mama noaiho ki te pupuritia I te iti me ta rahi te tini me te mano I raro I te kaupapa kotahi.”

Hei tērā marama whakatinana ai ngā whakahāerenga o te kawenata hōū whai muri i ngā pōtitanga matua o te Iwi o Waikato Tainui.