Kō atu i te kotahi rau mano tāra kua kohia e te Relay for Life

Wepiha Te Kanawa
  • Waikato/Te Waiariki

Oraora katoa ana a Ruakura, he kēkahu rerekē nei te kitea.

I timata te hikoi he rua tekau mā rua haora te roa, i te rua karaka inanahi, a, I oti i te poupoutanga o te rā

Taetae mai ai te takitini ki te tautoko i te Rōpū Mate Pukupuku, ko ētahi i tae mai i runga i ō rātou ake take.

I kaikapua mai a Morgan I Poipiripi ki te whakauru i te tauoma.

Hei tā Nathan Morgan, “I hāere mai au ki te tautoko i taku iramutu, i pā te mate pukupuiku ki a ia i tērā tau, ā, kei te kino hāere tōna hauora,engari kua tae mai ahau ki te tautoko i tōku whānau.”

Kei te kautetia tonutia ngā moni, hēoi ko te whakapae ka eke te nui o ngā koha ki tua i te 120 Mano.

Māmā noaiho te kite i te pikinga o ngai Māori kei te kaha tautoko i ngā kaupapa pēnei, ko te tūmanako o ngā kaiwhakahāere ka piki tonu te rahi o ngāi Māori e whai wāhi ana ki ngā kaupapa pēnei.