Kingitanga to work with Māori Party

Heta Gardiner
  • Te Whanganui-ā-Tara

Kua ōkawatia te hononga o te Kingitanga ki te Pāti Māori. Nā te Pāti Māori te kōrero i whakaputa, e kī ana i hui tahi rātau ki ētahi o ngā āpiha o Te Kīngitanga, a, i whakaae rātau ki te mahi tahi mō ngā kaupapa e hāngai ana ki te iwi Māori. He karere hoki tēnei ki te kawantanga.

Hei tā te Minita Take Māori a Te Ururoa Flavell, “Mena kei te mataku, me mataku ka tika! I te mea anei te waka hōu o te Pāti Māori e whakatikatika ana i a ia anō mō te kōwhiringa pōti.”

Ka whai tēnei i te whakaputanga ka mahi tahi te Pāti Māori me te Kīngitanga, mō ngā take e hāngai ana ki te Māori. Anō o te kainga kore me te pōharatanga. Ko te pātai inaianei, ka mahi tahi a Reipa me aua rōpū.

He tā te mema paremata o Te Rōpū reipa a Peeni Henare, “Kaore e kore ka kōrero mātau i tēnei take me te whānuitanga o te rōpū Reipa. Me kōrero ki te tumuaki a Anaru ka tika.”

I te kauhau a te Kīngi Māori ka puta tana tautoko i te Pāti Māori, ki tana Koroneihana i ngā rangi whakatā kua hipa.

Hei tā Flavell, “It came from his mouth on his day when he gets an opportunity to face his people. It was in his words, it was in his mind.”

Ko te whakatau a te Pāti Māori kei te aru rātau i ngā tūru Māori katoa, tae mai te kōwhiringa pōti a tērā tau.