Kaupapa: Tūhoronuku

Kīhai te Minita Take Māori i tae ki te porotēhi a ētahi ki te mana kua tukuna ki a Tūhoronuku

Dean Nathan
  • Te Tai Tokerau

Nā te kohu i raru ai te haerenga a te Minita Take Māori ki Te Taitokerau i te rā nei, ki te rapu ake i ngā whakāaro mō tana rautaki hōu, e ora ai to tatou reo rangatira ki tua.

He iwi porotēhi hoki i tae atu ki te whakaatu atu ki a ia i ā rātou whakahē i te whakatau mā te rōpu Tūhoronuku te mana whakatatū i ngā kereme tiriti o Ngāpuhi whānui.

Na te korenga o te minita ka huri kē tēnei hikoi i ngā tiriti o te Rūnanga o Ngāpuhi me te kaunihera a rohe.

Hei tā Mereana Robinson, “Ko tātou nei iaianei e whawhai ana mō era tikanga he taonga tera no tātou te iwi Māori ehara tētahi hapu anake.  Ngā taonga kātoa no tātou te iwi Māori ehara no te karauna.”

Ko tōna tikanga I konā te Minita Māori I tēnei rā kit e rapu mahere e ora ai to tātou reo rangatira engari e mea ana tēnei whakaminenga  kei te turi tonu ngā taringa o tēnei kawana ki te tino reo o ngā hapū.

O ngā toru mano tapaetanga kōrero i tukua e Ngāpuhi ki te kawanatanga mo te take nei kihai rawa te nuinga i whakāe.

Hei tā Waihoroi Shortland, “Iaianei e ono tekau ma toru paiheneti o Ngāpuhi I put ate kōrero kahore matou I te tautoko he aha te rereke I te mea I mua atu I kī rā I te tautokō rātou tera n ate karauna tera I hoko mo te toru miriona tara neke atu , koira te whakapau a te karauna kia rite I tana hiahia.”

He marama te kite e kore te iwi whakahē i ngā kōkiritanga a te kawana mō tēnei take e ngaro atu.