Kaupapa: Youth

Kia tukuna tonu te utu - Kiriāhua kua hōrapa wheori

Mere McLean
  • Waikato/Te Waiariki

Nuku atu i te rima rau mano te hunga kua mātaki i ngā mahi aroha o tētahi taiohi tekau mā toru tau. Nō Tauranga moana a Te Riina Takamore nā ngā nei i hoko i ngā kai mo tētahi tautangata i runga i te whakaaro kia utua te kino ki te pai.  

He kiriata kua hōrapa wheori!  Nā Te Riina i hokona i ngā kai mā Matt Hamilton, he tauhōu ki a ia nō Tauranga moana i ngā rā ka huri.

Hei tā Te Riina, "koia tērā i kitea tuatahihia e mātou na te mea i kite hoki mātou i a ia me tana tamaiti, ā, me te nui o ōna kai".

E toru rau tāra i tukua ki a Te Riina e tetahi tauhōu kē atu, i tana hoko Iphone 6 mo tōna rā huri tau, ā ko te kōrero i puta ki a ia, he tikanga kē tēnei kia tukua tonu te utu.  

Ki tā Te Riina anō, "ka mutu ana ta mātou hoko i te wāea pūkoro i haere mai tētahi wahine ki te homai i ētahi pūtea ki ahau na te mea ko tōna rā huri tau i tērā rā, ā, i whakaaro ake mātou ki a hoatu ki tētahi atu." 

Ko Te Riina te tuarua o ngā tamariki tokowha.  He whakahihi nō tōna whānau na runga i tōna wairua manaaki, ā, e miharo ana rātou kāre ia i rite ki ētahi atu taiohi.  

Hei tā Patsy Takamore te kuia o Te Riina, "he mana rangatira tō Te Riina, ā, ka tautokohia e taku whānau kei a ia ōna ake whakaaro, tikanga, ā, ka nui ake tōna noho ki te āta whakaaro mo te huarahi kei mua i a ia.  

Huri noa i te ao ngā kōrero kua tukuna ki a ia, ā, kei te piki tonu te nui o te tautoko me te hunga matakitaki te whitiāhua.