Kaupapa: Technology

Kia mataara kei ngā pae ipurangi

Piripi Taylor
  • Te Waipounamu

Ko ngā pirihimana o Waitaha kei te āki i te hunga whakamahi i te ipurangi kia tūpato, ā, kia ata whakaaro mō te tuku kōrero motuhake ake. Ko te mate, kei riro ēnā whakamārama, whakaahua rānei ki te hunga tinihanga hei apo pūtea i a koe.

  • Kaua e tukuna tō whakaahua ki te kore koe e hiahia kitea e tētahi atu
  • Ki te rangirua koe mō te tūturu o te ī-mērā nō tētahi whare pēke moni, tari kāwanatanga, rōpu kē atu rānei, waea atu ki a rātou
  • Tirohia nga whakaritenga ipurangi o tō rorohiko, kia kore e kitea tō wāhi noho, tō ingoa katoa, tō wāhi mahi rānei
  • Kaua rawa e whakautu i ngā tono pūtea, i ngā tono kōrero tahua anō hoki i ngā tautono kimi ipo, whārangi ipurangi rānei

Ki te tinihangatia koe e tētahi atu, ā-tinana mai, ā-ipurangi mai rānei, me korero ki ngā pirihimana. Kei te whārangi ipurangi o Netsafe ētahi whakamārama, tohutohu āwhina anō hoki.