Kaupapa: Technology

Ki CYBRO tae atu ai ngā ākonga Māori

  • Te Whanganui-ā-Tara

Kei ngā rau te tokomaha o ngā ākonga mai i ngā pito maha o Te Whanganui-a-Tara i whai wāhi ki te whāwhā atu ki ngā hangarau hou e waihangatia mai ana i Te Whare Wānanga o Wikitoria.

I hui kanohi ki te kanohi atu Te Rōpū Āwhina o te whare wānanga me ngā ākonga i te hui o ‘Rangatahi in CYBROSPACE’ i runga i te manako mā reira e toutou ai te hiahia ki roto i ngā uri Porinihia kia whai i tēnā ara.

Hei tā Liz Richardson, te Amorangi Tuarua o te Mana Rite i te wānanga Pūtaiao, Pūkaha, Hoahoa hoki, nā te hiahia kia whakatipungia tērā āhuatanga i roto i aua hapori i whakatūria ai tēnei hui. Hei ko tāna, mā te tutu e mōhio ai kātahi rā ko te mahi whakaongaonga ko tēnei.

Ko tā te ākonga tau toru, tā Dominic Trewavas kāore rawa te ahupūtaiao i kōrerotia nōna i te kura, ā, he mea pai tonu kia tae mai te tamariki ki te wheako. Nā taua mahi anō rā i tahuri atu ai ia ki tēnei ara hei ahunga māna.

Ko te tūmanako ka tū tonu te hui nei a ngā tau, kia tokomaha ake ai te hunga porinihia e takahi ana i tēnei ara.