Kei a wai te kōpaki mīti reka rawa atu o te motu?

Wepiha Te Kanawa
  • Tāmaki Makaurau

E hia kē mano kōpaki mīti ka whakapaungia e te motu ia tau, ā, kare i kō atu i tētahi kōpaki mīti wera i tētahi rangi makariri.  Engari kei a wai te "pie" pai o te motu?

He mahi nui kei te haere mō ngā kaiwhakawā matua, ko te tino tā rātou e whai ana.

Hei tā Tim Aspinall, “Ka mōhio kē koe i roto i ngā hēkona tuatahi, ka āta whakaarohia, kao?  Ka haere, ka haere, kātahi! Ka titiro koe ki ngā kanohi o ngā kaiwhakawā me tā rātou menemene, ka mōhio pū koe kua toa.”

Ko Tim Aspinall te kaiwhakawā matua o te whakataetae Bakels kōpaki mīti reka rawa o te motu e mōhio ana kei a wai te "pie" o ngā 'pie".

Ki tā Aspinall, “Kua kitea kē te tino "pie", engari kāore au e taea te whakahua ko wai tae noa ki te mutunga pō.”

Ko Michael Kloge nō Carterton te toa whakaihuwaka i tērā tau mō tana pai reme me te kūmara, hēoi he whakataetae nui kei te haere i tēnei tau.

E ai ki a Aspinall, “He teitei rawa te taumata i tēnei tau, ā, i tutuki mārika te katoa, kua puta a pito.”

Kāore kau he kōpaki mīti i tēnei wā, engari e kōkiri mārika ana ngā whakaritenga mō te hui, ā, hei te pō nei kite ai kei a wai te kōpaki mīti reka rawa atu o te motu.