Kei te whakariterite ēnei kaihaka o Te Arawa mō te whakataetae ā-rohe e haere ake nei

Heeni Brown
  • Waikato/Te Waiariki

He whā rau mano tāngata ka haere ki Te Puia ia tau. Nā, ko tērā tonu tētahi wāhi e kuhu ai te tūruhi ki te matapihi o te ao haka. Ā, ko ngā konohete tonu te wāhi e kitea ai ngā kaihaka e whakaritea ana mō ngā whakataetae ā-rohe o Te Arawa.  

He haka i te ao, he haka i te pō. Koinei tonu te kai a te tini o ngā kaihakahaka o Te Arawa.

Tokowhā ngā kaihaka o tēnei konohete, nā, e whakarite ana rātou mō te whakataetae ā-rohe o Te Arawa.

Nā, ahakoa he whanaunga, he hoa ngā kaihaka ki tēnei taumata - tae mai a Rāhoroi, he hoariri kē rātou katoa.

He whā ki te waru ngā konohete ka whakahaerehia ki Te Puia ia rā, te whakaaro nei ka kitea ngā nekenekehanga o tēnā rōpū, o tēnā rōpū. Engari e muna ana, he tohu pea tēnā he whakataetae nui kei te haere ki roto o Te Arawa.