Kei te whakareri te kapa kanikani e kī ana ko Abide, mō te whakataetae kanikani ā-motu

Wepiha Te Kanawa
  • Tāmaki Makaurau

Hei āpōpō ka timata te whakataetae kanikani a motu ki Tamaki Makaurau.

Kua whai wāhi atu tā mātou karere a Wepiha Te Kanawa ki te tiro atu ki nga nekenekehanga a etahi o ngā kapa ia rātou e whakariterite ana.

Heoi anō, mō ngā taipitopito o te wā kia whakawhiti atu tātou ki aia inaianei.

Tika rā e kei te hīkaka katoa te iwi kanikani Hip-Hop o Aotearoa i mua i te taenga mai o te whakataetae Hip-Hop ka tīmata āpōpō, me te mea hoki kei runga noa ngā pukenga o ngā kaikanikani i tēnei tau e hoa.

Rima rau ngā kaikanikani nō ngā pito katoa o Aotearoa ka whakarauika mai ki Tāmaki Makaurau.

E hoa mōhio katoa ana tātou ko te kaikanikani a Parris Goebel me ōna kaikanikani ko ngā tino whakaihuwaka o tēnei momo whakataetae, nō reira kaore e kore ko i a tētahi o ngā tino tino kapa ka eke, me te mea hoki ko ētahi o ngā kapa nō Tāmaki ki te tonga e tino hiahia ana ki te whai i tēnei tino tūranga, e hoa i tenei rā i haere ahau ki te kōrero kanohi ki te kanohi ki tētahi o ngā kapa hou ko “Abide”.

E kore pea koe e whakapono ana, engari hei āpōpō ko te wā tuarua noa ka tū a Abide ki te papa whakataetae o te motu.

E hia kē nei ngā tohunga kanikani kua puta i tēnei hēti i Otara, inaianei kua tahuri hei hōro.

He iti ake i te rua tekau mā whā haora  e toe ana ki te whakataetae Hip-Hop ā-motu, ā, ko te kapa kanikani o 'Abide'  tērā ka whakapau kaha tae noa ki te miniti whakamutunga.