Ngā kaupapa: Education, Employment

Kei te whakapakari tētahi kaupapa ākonga tuku hiko i ngā rangatahi Māori

Taroi Black
  • Waikato/Te Waiariki

Kei te whakapakari tētahi kaupapa ākonga i ngā rangatahi Māori, ā, ka whai oranga hoki rātou mā te moni.  E tautoko ana a Mighty River Power i a rātou i roto i tā rātou kaupapa tuku hiko.

E whakairo ana a Tane Te Riini i tōna pae tawhiti, ahakoa he tekau mā waru tau tōna pakeke.

Mai i te tīmatanga o tēnei tau, i piri atu a Tane ki te kaupapa o Mighty River Power e kīa ana "The Electricity Supply Apprentice Programme".

E whakapono ana a Dan Stewart he huarahi anō tēnei mō ngā pia rangatahi Māori ki te whakapakari i ngā mahi a rehe.

Mō ngā tauira kura tuarua e raru ana i ngā mahi kura, ko Waikato Trades Academy tētahi painga pea mā rātou.

Ā, e pērā ana a Narelle Phillips, ko te tirohanga whakamua te whainga.

Ahakoa ngā taumahatanga o te wā mō te kimi mahi whai oranga, kāore e kore he huarahi tōtika te mahi a rehe mō ngā rangatira o āpōpō.