Kaupapa: Australia

Kei te whakangahau te Māori i ngā kaiporotēhi o iwi taketake

  • Ahitereiria
Nyoongar Tent Embassy

Whai muri i te urunga mai o ngā pirihimana ki te puni māngai ki te moutere o Heirisson ki Perth, te wāhi e porotehi ana te hau kainga me ētahi atu i te aukatinga o ngā hapori taratahi a kō ake nei, e harikoa ana rātou kia kitea, kia rongohia hoki ngā mahi a rēhia o ngāi Māori, o te tangata whenua anō hoki.

Kua hikina ngā taumahatanga o te wā i ēnei kanikani.

He wā tuatahi hoki mō ētahi  kia kitea ngā kanikani o ērā atu iwi.

He wā hoki kia herea anōtia te whanaungatanga ki waenga i ngā iwi taketake o tēnei whenua me Aotearoa.

E toru ōrau o ngā tāngata katoa e noho ana ki Ahitereiria ki te uru he uri moemoea, Torres Strait rānei, tata ki te whitu tekau mano te rahi, otirā, tekau mā rua mano o rātou e noho ana ki ngā hapori taratahi.

Kahore tētahi i konei e tautoko ana kia aukatia ērā tūrangawaewae o rātou.

Ā, i te rangi nei i tino ora ai ngā tāngata, ngā tikanga me te whenua ki Matagarup.